|
|
著名音樂人伍仲衡為TVB歌唱真人騷《中年好聲音》擔任評判，但日前就被指與《校園好聲音-唱響中國》大學生歌唱比賽冠軍洪心怡簽約，激嬲TVB被踢出《中年好聲音3》 。日前兩位主角出席活動就承認事件，並指二人已經簽約。但伍仲衡再開live爆料，指曾接觸TVB想co-management ，但對方未有回應，自己亦嘗試過向TVB解畫，但最終還是得罪方丈。
伍仲衡指太太於9月港姐決賽前，已接觸TVB相熟高層，表達希望co-management的意願，但得不到對方回音。反而，對方已捷足先登，主動接觸洪心怡。伍仲衡強調：「點會唔同TVB講聲，呢個係common sense，我唔係白癡！」否認外界指他瞞着TVB簽下洪心怡的指控。
他並指自己再跟TVB傾談後，感覺到對方想獨簽洪心怡，但最終在女方自己跟TVB傾談後，決定拒絕簽約。之後伍仲衡才開展與洪心怡傾談合約，二人傾過三次，亦有心怡的媽媽在場。心怡提出的要求，伍仲衡亦有商有量。最終二人達成簽約，並在伍仲衡自己的生日會公布。
對於被飛起《中年好聲音3》 ，他直指：「對方只暫時唔需要我，我唔需要問點解，因為都知點解！我對得住自己，冇犯規，莫道你在選擇人，仍然亦能選擇你。」 |
|
在線雷達
發表於 2024-12-10 10:10:20
廣播
置頂
超級提昇
強效提昇
推舊帖
收嗲鳥
油顏色
