41歲王浩信銅鑼灣街頭賣旗被野生捕獲 網民激讚嫩口：像個大學生

GIRLAV

王浩信加入TVB已17年，曾兩度勇奪視帝獎項，2年前離巢並成立王浩信創作室有限公司，上月又與內地娛樂公司「天浩盛世娛樂」簽約，由公司幫忙處理所有內地工作，包括劇集、綜藝節目及媒體安排，香港工作方面則由佢自己處理。王浩信主力於內地發展和定居北京，陳自瑤曾於早前活動表示希望王浩信有時間就多啲返嚟陪個囡；近日王浩信就喺香港銅鑼灣被野生捕獲，被網民激讚狀態佳。

有網民早前於小紅書分享喺銅鑼灣街頭巧遇王浩信嘅合照，寫道：「香港真的超容易碰到明星！！！新鮮滾熱辣的#王浩信！就在銅鑼灣！！全素顏，皮膚超好超帥！近距離看到沒忍住誇他：你真係好靚仔啊很有禮貌地跟我說謝謝，人超級隨和！」從照片中看到，身穿白色運動裝及戴上遮陽帽嘅王浩信咩住個紅色賣旗旗袋；唔少網民估計王浩信當日係陪女兒賣旗做公益，更留言大讚王浩信睇起上嚟比真實年齡41歲後生同靚仔：「好靚仔！像個大學生！」、「港（講）真，真人靚過上鏡」、「怎麼突然這麼嫩啊」、「好像大學生 不似已經41」、「好白淨好靚仔」、「本人超帥」、「他正在做善事（賣旗）值得贊（讚）」、「居然賣旗，贊（讚）」等等。

howardwo

街頭做公益