|
|
已故賭王何鴻燊二房千金何超儀（Josie），與陳子聰喺2003年11月於澳洲註冊結婚，婚後恩愛如初。不過喺兩年前陳子聰腹部大動脈爆裂致嚴重內出血，幸好幾次大手術及休養後康復。最近佢哋經常與子聰靚仔私人醫生兼旗下藝人Iman出席公開場合，12月4日接受訪問時更爆出將會赴美做小腸氣手術。
昨日何超儀孖住老公陳子聰及Iman出席品牌活動，子聰睇落非常精神狀態回勇。喺接受傳媒訪問時，子聰表示自己有做運動及控制飲食，佢仲話西醫冇叫佢戒口，不過中醫就有叫佢少啲食某類食物。之後何超儀同Iman提佢要戒口。
另外陳子聰再話自己好鍾意食牛扒，不過就唔可以食太多A5同A4，企喺隔籬嘅何超儀即刻話佢食咗。至於零食方面，子聰原本話自己冇食零食嘅習慣，超儀即係話︰「咩話？朱古力唔係零食咩？」陳子聰就解釋︰「食黑朱古力ok㗎！去到90—100%，唔係零食，係花嚟㗎。」子聰之後仲被爆成排朱古力拎上房放喺床頭，趁住老婆擦牙時偷食，不過佢就辯稱只係食少少，唔係成日咁做。
陳子聰透露嚟緊會有一細一大手術要做，細嗰個手術將會喺一月前往美國做係小腸氣手術，而大手術就係心臟後面嘅主動脈，醫生話最好唔做，最緊要係保持心跳正常就得。而佢自己嘅諗法都係唔想做，所以佢就做運動。 |
|
在線雷達
發表於 2024-12-6 10:45:58
廣播
置頂
超級提昇
強效提昇
推舊帖
收嗲鳥
油顏色
