向佐搵到流量密碼？繼毛毛大褸再以女裝短褲黑絲look示人成功搶fo

GIRLAV · 發表於 2024-12-5 15:31:36

向華強大仔向佐(Jacky)主力內地發展，早前電影《門前寶地》票房失利，但似乎無阻Jacky發展。上月初向佐參加內地活動時，竟然以女裝示人，仲要係著deep V低胸毛毛大褸，相當搶鏡。

話口未完，向佐之後繼續以女裝打扮拍片，其中一個look係粉紅雪紡裙，加埋化妝同髮型，其實都幾似時下女明星……！

內地網民對於向佐著女裝議論紛紛，不過佢本人似乎冇咩所謂甚至越玩越開心。早前向佐喺內地一個商場做直播，成個造型超騎呢︰成頭辮仔、中年阿姨眼鏡、露腰上衣，最爆係下身著短褲再加對黑色絲襪，喺人來人往嘅商場著成咁，當事人仍然笑口噬噬，向佐應該搵到流量密碼了。