異空感應｜陳曉華小學學生相曝光 親自回覆網民認容貌有變？

GIRLAV

2018年港姐冠軍陳曉華（Hera）多劇在身，更有份被提名角逐《萬千星輝頒獎典禮2024》視后﹑最佳女配角和飛躍進步女藝員獎項，備受力捧。繼TVB劇集《巾幗梟雄之懸崖》，陳曉華又於近日熱播劇集《異空感應》一人分飾兩個時空嘅邢可嵐，單係與劇組研究短髮造型都花了唔少時間，希望帶出角色型得嚟又爽朗嘅個性。陳曉華透露自己嘅長直髮造型，基本上冇乜化妝，只化底妝畫番個傷妝及套個假髮嘅完成。早前陳曉華於社交平台分享多張靚相為劇集造勢，又被網民翻出其小學時期嘅學生相，被激讚由細靚到大。

劇集《異空感應》於兩年前拍攝，陳曉華於社交平台曬出靚相及有感而發：「呢兩日睇返兩年前嘅自己，搵到好珍貴嘅青澀感。兩年前拍攝時嘅擔憂、快樂、期盼，統統都湧現出黎。想問依家嘅我 『那時候你所相信的事 沒有被動搖吧？』」從照片中睇到，陳曉華著上黑色透視短裙襯黑絲，大曬美腿與甜美笑容，唔少網民留言大讚陳曉華好索：「長腿黑絲，美得犯規」、「好索啊，性感得嚟好好看，極品」、「性感得來好好看」、「哇～～～～有啲～～～～過分辣喎」、「你依家靚咗好多」等等。

另外有網民翻出陳曉華小學學生相，唔少網民大讚陳曉華樣子與現在無太大分別，依然眼大大面尖尖，長相甜美；照片除咗因為該網民不諳廣東話，將「你仲有無」寫成「你中有毛」而鬧出笑話，更成功引起陳曉華現身回覆該網民：「嘩，我終於留意到，我以前的雙眼皮比現在更深呢。」

howardwo

係幾令女嘅！