陳豪譚俊彥兩大視帝戴假髮拍劇 吳家樂大讚無違和感 梁思浩平反：有時真係監製要求

GIRLAV

網上娛樂節目《娛樂好好玩》大談圈中熱話及秘聞，每每播出後都引起話題。11月25日周一播出的一集，梁思浩、吳家樂、鄧兆尊和Tristan其中一個話題講到黃曉明回應戴假髮傳聞，梁思浩又分享指被好多人誤會過佢戴假髮，直言自己平時愛用凍水洗頭，之後又提到藝人拍古裝劇經常都要戴頭套，脫頭套嗰陣因為頭髮邊嘅膠水太實，於是容易脫髮，吳家樂則表示自己會慢慢印開，認為唔差嗰十分鐘；佢哋又提到陳豪和譚俊彥兩大視帝於劇集《企業強人》戴假髮。

吳家樂覺得陳豪和譚俊彥嘅假髮造型好自然，並無違和感，指佢哋髮量真係唔多。過往，陳豪曾因拍《宮心計》戴頭套而出現脫髮問題，又曾被笑指「河童」，早前自嘲《企業強人》嘅齊蔭髮型有「少少礙眼」；而譚俊彥都經常被網民討論是否戴假髮，認為佢嘅髮量比以前多同厚。梁思浩就解釋演員要戴假髮嘅原因，指自己唔係幫佢哋，但有時真係監製要求：「要求嘅意思係…假設：『兆尊，我有個角色想你由30歲開始』」兆尊續指：「（監製話）你比較稀少咗啲，落去梳頭部攞個假髮」四人又談論假髮價錢，透露一套劇會有頭髮嘅Budget，一個頭套動輒3萬元，吳家樂解釋指頭套除咗用真頭髮，仲係人手逐條勾上去。

梁思浩表示時裝劇要演員戴假髮都好平常，認為用真頭髮做嘅假髮貼最自然：「洗得吹得剪得，被人扯都得」；吳家樂表示呢個係大趨勢，宜家用嘅髮片已經唔同以前嘅戴假髮：「呢啲叫髮片，好多男仔女仔都好，整出嚟髮量唔多，唔夠厚就會夾髮片，男女都有，係大趨勢，好靚好真。唔同以前戴假髮好假，現在close up向後梳，all back都唔覺，其實好靚，因應劇情，同埋令演員出嚟都好有信心。」

howardwo

講下八卦