莊子璇拍宣傳片被指演技浮誇 大方回應網民 郭晉安曾大讚有慧根撐攞新人獎

GIRLAV

莊子璇（Hilary）早前因重返母校香港大學，並以全英文接受近半小時訪問引起話題，被指與同場嘅馮盈盈相比，口音自然得多。不過，莊子璇日前為《警聲百二秒II》拍攝「爆格之王」短片，被網民直指過份浮誇，亦被指撞樣黃心穎。

莊子璇與李君妍於「爆格之王」短片飾演學神小偷，學做爆格之王，以宣傳防爆小貼士，避免讓賊人有機可乘。對於莊子璇嘅演出，網民評價兩極，部分網民認為莊子璇演得幾好，仲話佢哋可愛又搞笑，應該去愛回家客串；有網民就覺得莊子璇演技太浮誇，莊子璇則大方回應指：「哈哈哈，其實我是搞笑女」。

莊子璇為2023年度香港小姐冠軍，為台慶、J Music等節目擔任主持。主持工作以外，莊子璇亦於今年完成首部參演嘅劇集《金式森林》拍攝，與郭晉安、龔慈恩、何廣沛、陳浚霆及羅天宇等人合作。於劇中飾演莊子璇爸爸嘅郭晉安就曾大讚莊子璇，認為莊子璇無讀過訓練班，但竟然有好多技巧佢都識，認為佢好有慧根並希望莊子璇會攞到新人獎。

howardwo

幾令女！