林明禎被影到與呂爵安Edan同遊夜市 強調工作為先：我都不急，你們急甚麼

GIRLAV

「大馬女神」林明禎早前被影到與男團MIRROR成員呂爵安（Edan）同遊意大利兼撐枱腳，二人雖然否認戀情，不過Edan就公開表示追緊林明禎。最近佢哋又同遊台灣夜市斷正，期間仲被影到搭晒膊頭添呀！

11月24日林明禎出席品牌代言活動，接受傳媒訪問時透露二人嘅感情發展。被傳媒問到被影到同遊夜市嘅心情時，林明禎直言被嚇倒，因為其實Edan咁啱放假去台灣玩，而佢自己就喺當地有工作，所以就相約出嚟行街食飯。之後被問到係唔係因為佢而令Edan選擇去台灣，明禎就笑住回答話：「你問佢嘛！你問佢！」佢就話其實只係兩個人去食個飯同行下，當時都冇諗咁多，當時只係朋友之間嘅聚會，大家都光明正大。

至於講到佢哋現時嘅關係，林明禎就話大家都係以事業為重，對方亦喺工作上非常認真，大家有時間都會聯繫一下，不過都係以工作為先，而家就順其自然。其後被問到已經搭咗膊頭，仲爭啲咩嘢嘅時候，而明禎就借MIRROR成員Anson Kong「三把火論」，諗住可以過到骨，不過就被問到有啲尷尬同口啞啞，唯有話一切都係順其自然。佢希望大家可以俾啲空間佢：「哎呀，我都不急，你們急甚麼！感情的事件慢慢來，因為我們還是以工作為主要，然後順其自然其他的，就是大家畀啲空間唔我，因為我是一個好需要空間嘅女子。」

howardwo

真係關仁隠事！