張衞健「型到跌渣」深入民心 終身無子：冇遺憾

GIRLAV

隨着國產電玩遊戲《黑神話：悟空》推出，掀起熱議嘅同時，早年憑電視劇《西遊記》、《齊天大聖孫悟空》中「孫悟空」一角爆紅嘅藝人張衞健，劇中嘅口頭禪：「型到跌渣！」更係深入觀眾心，一度掀起模仿熱潮。

而當年張衞健為咗演出孫悟空一角，每次化妝都耗時幾個鐘，喺2020年張衞健、黎耀祥及麥長青曾喺節目上重談當年拍劇嘅辛苦，成日拍到凌晨3、4點先收工，朝早6點又要繼續拍外景，因此每日剩係瞓得兩個鐘，完全冇時間卸妝嘅佢哋，更成日要化住妝瞓覺，回想番根本係不可能嘅任務外，如果要佢再出演一次西遊記相關作品，張衞健更表示希望出演「豬八戒」，可以有更多發揮空間之餘，仲唔使好似沙悟淨咁要抬木箱，算係一個比較快樂嘅角色。

此外2004年同細9歲張茜結婚嘅張衞健，多年嚟2人都膝下無子，對此張衞健則透露2008年張茜一度懷孕，但不幸小產，至於冇小朋友會唔會感到終身遺憾，張衞健則巧妙道：「未必，如果生一個會氣死我的小孩不就糟糕了？」

howardwo

型到跌渣