42歲余文樂自拍照老態盡現 被網民指再度崩壞

GIRLAV

現年42歲嘅余文樂，當年因帥氣外貌及型格打扮被封為男神，歌影雙棲發展，更曾創立個人潮流服裝品牌；不過，自從2017年與王棠云結婚並育有一子一女之後，被指「斷崖式衰老」。近日佢喺IG Story上載自拍照，就被網民指佢再度崩壞。

余文樂不時被網民野生捕獲，不過從網民PO出嘅照片所見，佢樣子憔悴兼老態盡現，更被網民驚嘆男神不再。近日余文樂喺IG Story上載自拍照，照片中嘅佢啱啱做完運動，正面望鏡頭時額頭上嘅「火車軌」清晰可見，睇起嚟好疲累及老咗唔少，所以唔少網民都留言表示驚嘆，例如「天呐，他以前多帥啊」、「是不是被打了」、「沒認出來」、「42。。。62都信」、「果然歲月是把殺豬刀，誰都逃不過，只是看看刀輕重了」、「話佢52都信」及「他才40出頭，怎麽搞的」等等。

另外亦有網民關注佢大細眼嘅問題，留言話「為甚麽會大小眼？兩個都雙眼皮呀！」、「余的眼睛一大一小！」、「點解老咗個大細眼會更加嚴重咗」及「隻眼一大一細」等等。不過有粉絲就解釋話余文樂當年拍戲時受傷，所以導致大細眼；同時亦有網民話佢一出道已經大細眼。同時亦有網民將余文樂及陳冠希作比較，唔少網民都話佢哋兩個都年華老去顏值崩壞；反而43歲嘅關智斌就保養得好好。

howardwo

歳月催人！