梁諾妍拍片分享入行辛酸史 自爆收入曾只得$800 感激跑步改變人生

GIRLAV

現年36歲嘅梁諾妍（Inez）喺多倫多大學畢業後便回港做模特兒，熱愛運動嘅佢之後更身兼健身教練，形象正面又健康。去到2021年與洪永城拉埋天窗，其後誕下大女「Sir Face」Amber，及喺今年3月誕下細女「Sir Face2.0」Beryl，一家四口幸福美滿。梁諾妍不時喺社交網站上載影片，與網民分享生活點滴及運動心得。

最近梁諾妍拍片到小紅書與網民分享入行辛酸史，佢表示自己畢業回港後就隨即加入模特兒公司，仲話覺得自己頭三年嘅模特兒生活過得唔錯，但去到24至25歲嘅時候，因為其他地方嘅模特兒進駐香港，競爭大咗導致工作少咗，令佢嘅收入有所減少。佢試過一個月只係得一個平面廣告，只有800蚊收入，當時嘅佢覺得好慘、好無助同好迷惘。喺一年幾嘅迷茫期認識咗一啲損友去飲酒，唔知道自己做緊啲咩嘢，搵唔到自己嘅人生目標。

後來佢開始接觸跑步，而佢就覺得跑步扭轉咗佢整個人嘅命運，佢就話雖然跑步唔可以幫佢解決問題，不過就可以令佢頭腦清晰，出一身汗就重新出發。熱愛跑步嘅佢後來亦因跑步而接咗唔少品牌代言，去唔同地方跑馬拉松。去到2016年，佢完成咗自己人生第一個馬拉松，之後就考長跑教練及健身教練等多個牌。另外跑步亦令佢認識到洪永城並組織一個好有愛嘅家，所以跑步係佢最想感謝嘅嘢，令佢嘅人生變得不一樣。

howardwo

令女