「粗口港姐」梁允瑜大曬泳衣福利照騷纖腰及44吋長腿疑P圖過火手踭變形

GIRLAV · 發表於 2024-6-25 18:31:34

2021年落選港姐梁允瑜（Chloe）選美期間屬於大熱佳麗之一，不過被爆出純熟粗口舊片及被指欺凌同學等負聞，因而被封「粗口港姐」，並喺準決賽首輪就被淘汰，20強止步，但最後亦獲TVB簽約，並安排於處境劇《愛．回家之開心速遞》中飾演秘書Mocha。擁有纖瘦身形及44吋長腿嘅梁允瑜不時於社交平台大派福利照；近日，佢就大曬早前到泰國旅行嘅泳衣照，不過卻被指P圖過火？

梁允瑜PO出多張比堅尼美照，相中嘅梁允瑜坐喺池邊及躺於沙灘椅上擺出誘人甫士，S型身材及一雙長腿極為吸睛；仔細一睇原來梁允瑜疑似喺腰部位置偷偷「做手腳」，錯手令手踭位置扭曲變形。不過，一班網民似乎並唔介意，紛紛留言大讚梁允瑜靚爆：「Chloe對長腿真係世界級」、「Chloe好靚女，好性感，好迷人魅力」、「我喜歡你好sexy」、「好靚好型and sexy」、「女神」、「麻煩呀瑜影多啲靚相」等等。梁允瑜又於帖文表示即將開展下個旅程：「latergram，還有一個星期就可以去潛水的瑜很興奮」，相信好快又有靚相睇啦！