返廣州玩但撞到污糟嘢

性暗示星矢 · 發表於 2024-6-5 22:01:36

是咁的，小弟喺6月1日就上咗廣州玩，酒店就朋友負責book，見有大房緊係揀大房住，反正先500蚊人仔晚，除返開大家夾一份真係抵玩，咁一check in之後緊係上房影下相睇下咁啦，而呢間房就係頭房嚟，8801號房，入去之前都有敲門，咁我就入到去都好快咁影咗三張相，分別以下三張，咁可見佢個廳都大，左邊房就冇著燈，右邊房因為有窗就唔洗著燈都好光猛，而且佢仲跟個開咗燈嘅廁所，所以冇乜嘢，咁我見右邊房密封應該幾靜咁，於是講咗句：「我今晚就瞓呢間啦。」
跟住間房就突然著咗燈，之後又熜咗，我同朋友都你眼望我眼，我就諗係咪感應燈呢？之後佢都覺得唔會咁先進掛，摸摸門口附近個掣，之後都係得啲冷氣有反應咁，跟手啲燈又閃，前後一共三次，我哋就開返手機啲相睇，影親呢間房嘅都係咁啱手震到模糊，當真係巧合，但我朋友影到嘅部份真係解釋唔到，所以我哋房卡都冇拎之下就一齊跑出房落樓下要求轉房，不過只係比到間樓下一層細啲嘅比我哋，就係咁時運低嘅一日就開始咗，果日都落咗成日雨，我朝早未上廣州果陣喺屋企沖涼都突然右邊鼻孔流血，中間啲運濟嘢都唔補充，但到凌晨去唱K果陣我打算去個廁所果陣，我去廁格上鎖，去完果陣發現真係解唔到，佢係試身室果種橫塞，一定要入面自己推先得，我唔知點解出盡力都推唔郁，佢又冇生鏽痕跡，我果下真係好驚，出面突然有個男人問我係咪鎖咗係裡面，我即刻答係，唔知佢點整，但我道門真係終於開到，事後返到香港問咗位有研究嘅朋友，佢話我沖犯井神，應該附近有施工郁到啲井加上我呢排時運低先咁，可能大家都有各種原因去解釋一切，但我果刻真係嚇親......

以下呢兩張係我朋友影嘅，第二張真係解釋唔到右下角係咩嘢嘅倒影......如果真係怕嘅朋友就上一頁啦。

唔知隔到幾多，但我盡量隔，真心我下載再上載都驚驚地唔敢再睇！