網上熱話｜港男膽粗粗淘寶買熱水爐 一原因大讚實用 網民：咪鬼累街坊

GIRLAV

淘寶的確是一個寶地，只因不論你想買的東西有多罕見或創新，只要你願意嘗試在淘寶搜尋，基本上都能找到想要的物品，不過實用性和安全性就另計。早前，一位港男就在社交平台上，分享自己在淘寶買了新型熱水爐，並已經開始放在浴室內使用。事主自己試用過後，因熱水爐符合1條件而大讚實用，惟大批網民就驚死被連累，更有人搞笑留言問「師兄住邊區」，期望能夠避開有機會發生的危險。

港男淘寶買熱水爐 形容自己「少少大膽」
當走在街頭未能買到自己心儀的物品時，不時都會聽到有人提議轉到網上購買，當中又以淘寶最為受歡迎，只因基本上所有東西都能夠在淘寶上找到，而且價錢一般相當較相宜，不過其實用性和安全性就有機會備受質疑。早前，一位港男就在社交平台上，分享自己在淘寶買了一個熱水爐，更形容自己是次嘗試「有少少大膽」。

一原因讚實用 圖文並茂推薦國貨
事主在淘寶購買的熱水爐與香港販售的略有不同，而他亦表示其實這個並非熱水爐，而是「廚寶」，意指即熱式熱水器，惟當他來說「總好過用個要等煲水」。他對這個淘寶貨的尺寸十分滿意，揚言只得「一部iPad 咁大」，更附有實拍照片供網民參考。從照片中，可見他所購買的熱水爐細細部掛在浴室牆上，中間有數字顯示水溫，難怪事主得戚大讚「我本人就覺得ok囉」。

網民驚死累街坊 頻留言問：請問師兄住邊區
雖然事主對這部淘寶熱水爐讚不絕口，但一眾網民就似乎唔多認同，有了解熱水爐安裝的網民表示「隻爐成5500W，要行足25A，法例規定最少要2.5m/m線粗先夠行，又冇獨立水氣掣，更加唔好講話WR1A，有乜事，就算買咗保險都冇得賠，祝君好運」，又指到時不但影響自己，「好似連啲鄰居冇得賠」。有網民就坦言「最緊要唔好連累街坊」，更有人搞笑留言詢問「請問師兄住邊區」，盼能避開有機會發生的危險。

LasCases

op1b

高手在市間, 望吓裝工拉線, 師傅級黎

只係, 連依家嘢都逃到, 又有一批人食屎嫁啦....

kingkong_hk

3相即熱爐仲正

howardwo

亂鳩噏，當秘笈

op1b

kingkong_hk 發表於 2024-2-6 13:41
3相即熱爐仲正

有無必要買三個爐去用足三相先 ?
一個爐頂多進一條線

op1b

我真係好想問位記者, 你點判定吹水位網民係了解熱水爐安裝先 ?

我都想問位咩有了解熱水爐安裝的網民,
一個總制箱先得一個水氣掣, 真係要獨立水氣掣咩 ?
人家都無貼電制箱接線, 真係用足25A又如何 ?  人家自己會換個大少少A數跳制嫁啦....  假如佢唔換, 佢制箱自動跳制嫁啦....
人家又唔係全屋大裝修, 講咩WR1A呀...

kingkong_hk

op1b 發表於 2024-2-7 07:13
有無必要買三個爐去用足三相先 ?
一個爐頂多進一條線

我用緊3相爐60A獨立掣, 1開即熱爽爆又唔洗驚1樣化炭問題

op1b

kingkong_hk 發表於 2024-2-7 12:06
我用緊3相爐60A獨立掣, 1開即熱爽爆又唔洗驚1樣化炭問題

我只可以哦.... 都why唔到你,

依家都好多人住工廠大廈

kingkong_hk

op1b 發表於 2024-2-7 16:16
我只可以哦.... 都why唔到你,

依家都好多人住工廠大廈

你見未識過姐

op1b

kingkong_hk 發表於 2024-2-7 17:52
你見未識過姐

香港吋金呎土, 一個三上制箱, 太大佔位又多, 一般住宅根本無位放, 放都危險

未見過好平常....

kingkong_hk

op1b 發表於 2024-2-7 18:43
香港吋金呎土, 一個三上制箱, 太大佔位又多, 一般住宅根本無位放, 放都危險

未見過好平常....

唔係好大個箱咋, 記得就影比你望下, 唔只我用朋友住太古X都用

用電平過用氣

op1b

kingkong_hk 發表於 2024-2-8 12:59
唔係好大個箱咋, 記得就影比你望下, 唔只我用朋友住太古X都用

用電平過用氣

細極都大半個人咁高啦.....
住宅每組線只係用一個跳制, 可以一字平排
三相唔同, 一組線要用3個跳制, 咁你間屋想拉幾多組線呀...   

FYI, 太古X住宅照正分唔到三相, 地下電制房就三相, 每組樓層係只會分其中單相入屋

有相緊係好啦.... 學吓嘢都好....  

kingkong_hk

op1b 發表於 2024-2-8 15:00
細極都大半個人咁高啦.....
住宅每組線只係用一個跳制, 可以一字平排
三相唔同, 一組線要用3個跳制, 咁 ...

好呀記得就影你睇

kingkong_hk

op1b 發表於 2024-2-8 15:00
細極都大半個人咁高啦.....
住宅每組線只係用一個跳制, 可以一字平排
三相唔同, 一組線要用3個跳制, 咁 ...

電掣冇半個人咁高, 3碌紅酒咁上下

op1b

kingkong_hk 發表於 2024-2-9 01:41
電掣冇半個人咁高, 3碌紅酒咁上下

應該花唔少錢, 只為一個爐

kingkong_hk

op1b 發表於 2024-2-9 14:56
應該花唔少錢, 只為一個爐

用過反5到轉頭

op1b

kingkong_hk 發表於 2024-2-9 15:20
用過反5到轉頭

除咗...哦!.... 可以講咩 ?

kingkong_hk

op1b 發表於 2024-2-9 15:43
除咗...哦!.... 可以講咩 ?

你話住宅安5到我講你知有姐比你學下野

op1b

kingkong_hk 發表於 2024-2-9 15:56
你話住宅安5到我講你知有姐比你學下野

我指係正常黎講, 係唔會供應三相入屋

另一方面, 有一句係錢可以解決之問題就唔係問題
花得起錢..... 一定得嫁....