林夏薇上載舉啞鈴片段被指事業線上頸好奇怪

GIRLAV · 發表於 2023-11-14 10:19:13

現年36歲嘅林夏薇（Rosina），於2011年加入TVB，曾參演《衝線》、《天眼》、《乘勝狙擊》、《十二傳說》等劇集，憑精湛演技大受好評，擺脫「林峰堂妹」嘅稱號，更成功憑《七公主》顧語嫣一角於《萬千星輝頒獎典禮2021》榮升視后。林夏薇入行至今屢被傳整容，身形苗條嘅佢最近Po相被指事業線上頸好奇怪。

有「娛樂圈馬甲線代言人」之稱嘅林夏薇，出道多年都能夠保持苗條身形，除咗均衡飲食及每日飲用兩公升水之外，佢仲好鍾意做運動，仲不時喺社交網站分享做運動嘅照片及影片。最近佢又上載做運動嘅PO啦！影片中嘅佢以素顏現身，著上粉紅色嘅超低胸背心出現喺健身室，佢首先單手舉高啞鈴，然後再用雙手舉啞鈴，雖然薇薇好努力做運動，不過圈中好友及網民就將焦點放喺佢嘅上圍及身材上，好似胡定欣就留言話：「練到上圍有增無減，呢位教練勁」；而網民就留言話：「魔鬼身材」、「練到肚腩的肉都跑去上面」、「怎讓維持胸部不會變小啊？」及「薇薇我好羡慕你的馬甲線」等等，不過亦有網民留言認為谷會傷，及覺得佢嘅事業線上頸好奇怪。