娜姐好嘢！不過唔好再瘦落去喇

咸力旦王 · 發表於 2023-11-4 15:19:54

現年38歲嘅女神周秀娜（Chrissie）當年打性感旗號出道，寫真大賣時迷到唔少老中青男士，不過近年佢已經由model轉型為演員，唔再sell性感，打扮都以密實為主。不過日前佢去到外地就少有大派福利，大曬比堅尼照，不過就再次令唔少網民擔心佢過瘦呀！

周秀娜早前去到馬來西亞工作，分享自己喺當地「萬歲」同埋周圍食嘢嘅相：「點解全部食物飲品都咁大，原來呢度唔興講興打印出嚟，低調到你唔入呢間房都唔知啲嘢飲到咗。」雖然喺當地勁食，但娜姐都完全唔長肉，而佢都有分享自己喺當地爆食之都不忘做運動。

娜姐除咗上載「萬歲」相之外，仲分享比堅尼泳衣相，近年惜肉如金嘅佢除咗出席大騷之外，已經好少有分享性感照。雖然娜姐只騷玉背，不過都可以見到佢身材好苗條，全身上下半點贅肉都冇，連背上嘅骨同疑似血管都「現形」，可以話係皮包骨。

唔少網民都好擔心佢身體狀況，叫佢食多啲嘢，留言：「陰公成個人瘦晒要食番多啲嘢。」又有人「恐嚇」佢唔可以再瘦落去：「娜姐你太瘦了，唔好減肥，過了三字頭鈣會急速流失，加上你有腳舊患，骨質疏鬆，加上你若將來生BB到要打骨針。」