盧覓雪黑色喱士內衣造型慶祝Halloween 再現《內衣少女》最震撼一幕

GIRLAV

Halloween唔少人都會扮鬼扮馬出街玩。而盧覓雪就出post話「萬聖節扮咩？扮靚囉 扮到鬼火咁靚 仲唔嚇死你哋！」。的確嚇親，因為佢post咗一張自己著上黑色喱士內衣嘅造型照！唱作歌手Serrini都留言，一個字︰得！

原來盧覓雪呢身造型係有背後故事，早前佢為杜汶澤嘅網上頻道一個夢想成真環節擔任嘉賓，59歲嘅Michelle希望做跳唱歌手拍MV。Michelle揀咗演繹鄭欣宜嘅《豐乳肥臀》，用咗2個禮拜練舞，並以性感造型同男dancer一齊演出。

Michelle並唔係第一次性感示人。2008年，由鄧麗欣(Stephy)同文詠珊（Janice Man)主演嘅電影《內衣少女》戲入面Michelle飾演Stephy姑姐，多年來收藏唔少靚內衣，但到死時都苦無對象展示。戲中Michelle以內衣造型「返屋企」同Stephy見面，勸誡同樣未有戀愛經驗嘅Stephy唔好「獨守胸圍」。呢一幕，比一眾女角以性感造型示人更吸睛更震撼。

LasCases

咁重口味。