你好，我的大夫｜22歲區明妙飾吸毒少女備受關注為追演員夢棄做韓國練習生

GIRLAV · 發表於 2023-10-6 17:40:28

TVB劇集《你好，我的大夫》搵嚟「視后」蔡思貝與何廣沛主演，最新劇情主要圍繞男女主角及孔德賢與區明妙嘅感情線。區明妙以往飾演唔少學生妹角色，今次佢就飾演一個暗戀中醫師嘅吸毒少女麥寶，成功吸引網民關注。

區明妙飾演嘅吸毒少女麥寶，因濫藥而陷失禁困局，後來佢得到中醫生彭晴望（孔德賢飾）悉心協助戒毒，麥寶睇中醫睇到沉船，被晴望言行感動及對其產生好感。之後麥寶仲誤將關心當成愛情，大膽向彭晴望表白，但做到男方拒絕。最新就講到麥寶被出獄父親強行擄走，慘被黑社會人士拍片及強行迫佢食毒品，麥寶其後指責彭晴望失約令佢遭遇事故，彭晴望表示自己愛上咗佢。

劇集播出後，區明妙備受網民關注，紛紛留言大讚佢嘅外貌身形及演技，例如「阿寶好正呀」、「咁正tvb都唔捧」、「呀寶身材幾掂」、「浸少女味好正」、「阿寶禾稈冚珍珠」、「好可憐！！不過區明妙演技好好，希望未來可以比佢做更主要角色，甚至女主」、「妙妙咁靚女，出道多年終於有代表作，希望多D發揮機會攞新人獎」、「區明妙這位少女演戲有進步，多D機會演出。」、「『麥寶』一角做得不錯，加油」、「麥寶好可愛」、「麥寶做得好好啊」、「陳嘉慧結婚比MiuMiu上位吧」及「區明妙演吸毒少女演技好好」等等。

現年22歲嘅區明妙被封為「港版周子瑜」，係前Honey Bees成員之一，過往喺唔少劇集飾演學生妹角色，例如《親親我好媽》、《她她她的少女時代》、《愛上我的衰神》、《青春不要臉》、《法證先鋒V》及《黯夜守護者》等等。現實生活中嘅區明妙擁有甜美精緻臉蛋及一雙水汪汪嘅大眼睛，IG勁吸超過14萬追蹤者，佢不時上載可愛相片及分享生活點滴到社交網站與網民分享，深得網民愛戴。另外，區明妙喺2017年曾獲韓國娛樂公司邀請前往當地做練習生，不過當時佢就覺得自己仲未完成學業，韓國娛樂圈太大競爭，再加上佢鍾意演戲多過唱歌，所以佢最終選擇留喺香港發展。