英超/ 轉會: 紐卡素與Anthony Gordon好事近但球迷反應卻不一?

n101m1 · 發表於 2023-1-28 23:06:21

本帖最後由 n101m1 於 2023-1-28 23:16 編輯

最新消息為 Anthony Gordon 英國時間朝早已到紐卡素主埸做體檢, 只要體檢順利就應該順利加盟紐卡素. 其實紐卡素在夏季的轉會窗已經嘗試羅致這位 21歲左翼/ Inside Forward, 當時球迷可以話係十分期待, 但最終被 Lampard 拒絕之後就不了了之. 而依家紐卡素終於如願以償, 球迷反應理應唔錯, 但事實上自從紐卡素有動作開始, 各平台上球迷對本次轉會反而唔太睇好. 究竟球迷有何擔憂, 又為何 Anthony Gordon 仍吸引到紐卡素同車路士呢?

Anthony Gordon 英國時間朝早已到紐卡素主埸做體檢

1. 球迷有咩擔心?

有球迷表示今季 Anthony Gordon 於英超上陣 1097 分鐘, 只交出3入球 0 助攻, 表現並不理想, 亦無明顯進步. 其表現和潛力都不值 £45m. 另外亦有球迷認為其表現低迷或因其心態不佳, 擔心會為紐卡素良好的更衣室氣氛帶來不良影響.

有球迷認為 Anthony Gordon 今季表現低迷, 並不值 4500 萬英鎊

2. 射術, 侵略與 Open-play xG

先睇一睇數據. 上陣 1097 分鐘, 只交出3入球 0 助攻, 呢份成績單的確唔算太理想. 但琴日 Sky sports 針對 Anthony Gordon 的數據分析, 或者可以令你改觀. 首先, 愛華頓本季暫時只有 15 個入球, 而 Anthony Gordon 已經貢獻左 3 球, 為隊中首席射手. 其次, Anthony Gordon 本季暫時錄得 26 次射門, 其中有 16 次射中目標, 為全英超卻球員中排名前十, 其射術同埋侵略性都應該值得肯定.
另一方面, Gordon 創造射門能力並不比同為 U21 的英超球員差. 本季 Gordon 的 Open-play xG 為 3.29, 為所有 U21 的英超球員中排名第二, 僅遜色於效力 Arsenal 的 Bukayo Saka.

Anthony Gordon 今季表現於Open-play xG 的表現, 僅遜色於另一位超新星 Bukayo Saka

3. 速度與風格

速度係佢另一大優勢, 亦係吸引到紐卡素同車路士一大因素. Gordon 最高速度可達 36.61 km/h, 為全英超第二, 更冠絕紐卡素所有球員, 比 Miguel Almirón 更快. 紐卡素今季防守戰術多採用 High Pressing, Gordon 的速度在反擊方面或可令紐卡素更加有威脅. 另外考慮到今季紐卡素大多採用 4-3-3, Gordon 邊路切入的能力或可以值得期待.

Anthony Gordon 的最高速度甚至比 Miguel Almirón 更快

紐卡素今季暫時全部賽事都採用 4-3-3

考慮到以上各大數據, 其實 Anthony Gordon 的表現並唔差, 其潛力亦有值得肯定. 當然陣中已有 Miguel Almirón, Allan Saint-Maximin, Joelinton 的情況下, 現階段剛加盟就擔任正選的可能並不大. 但考慮到陣中 Almirón 已經 28 歲, 而老將 Callum Wilson 亦就將 31 歲, 前鋒 Chris Woods 又剛加盟森林, 紐卡素以 £45m 搵到有潛力的球員其實我並唔覺得貴, 反而覺得令陣中無論係邊鋒定係中場位都多左選擇, 亦有助球隊解決老化的問題. 另外在 Jonjo Shelvey 仍然受傷的情況下, Gordon 的加盟或可以成為及時雨.
總括而言, £45m 或者貴左少少, 但羅致 Anthony Gordon 的選擇本人係認同的.