佘詩曼回巢頭炮 高海寧坐正鬥戲

GIRLAV

藝人高海寧去年續約無綫後備受力捧，有傳將擔正3月開拍的新劇，與視后佘詩曼交手大鬥演技。全力出擊的她瞄準來年台慶頒獎禮，向視后之路進發！

視后佘詩曼2016年約滿離開無綫後，2018年憑內地劇《延禧攻略》紅到發紫，成功打入內地市場。去年有傳她回巢拍劇，接拍鍾澍佳監製的無綫新劇《新聞女郎》。

早前有傳她將與老拍檔楊茜堯繼《宮心計》後再合作，但最近社交網流出演員名單，除了阿佘外，男主角是馬國明，而傳聞中的楊茜堯則冇份，改為高海寧、何依婷、鄧智堅及前天堂鳥成員許俊豪等。

有指楊茜堯因劇本不合而推卻，她回覆本報時說：「係有接觸過我，之後嘅細節就唔知，交畀經理人去傾，角色上嘅嘢如果啱，一定有機會合作，就算今次合作唔到，下次都有機會。」高海寧至截稿前未有回覆，至於佘詩曼則說：「繼《十月初五的月光》後再同鍾澍佳導演（現監製）合作，睇完劇本之後好鍾意，暫定3月開拍，因為劇本好好，所以同各演員必有火花！」

馬國明埋班等通知

何依婷很開心與阿佘合作：「聽過監製講古仔同造型嘅嘢，實質詳情未知，不過好開心可以同前輩合作，尤其係佘詩曼，因為真係從未諗過會有機會，呢個機會真係千載難逢，所以收到消息時真係好開心好興奮，我會努力做好個角色。」而馬國明表示未收到正式通知：「對上一次同阿佘合作，好似係5、6年前嘅《賭城群英會》，如果真係我拍就好開心，因為同阿佘拍戲係一件好享受嘅事，希望係我拍啦！」

LasCases

又幾好喎。

工作人員

佘佘應該好戲啲卦......