陳冠希舊愛Cammi比堅尼造型大曬蜜桃臀堅稱無P圖卻被網民直指「啲窗變畸型」

GIRLAV · 發表於 2022-12-13 17:37:16

陳冠希舊愛謝熙婷Cammi（前名謝芷蕙）早前涉嫌推廣網上賭場遭警方拘捕，不過佢未有就事件作出回應，近日更去咗曼谷旅行，似乎心情未受影響。Cammi一向都被指外貌變幻莫測，由激似「Nel Nel」張學潤變成網紅樣，被指P圖過火似蛇精，故每次PO出近照都成為話題。Cammi於曼谷旅行期間不忘分享比堅尼造型短片，大騷白滑蜜桃臀，但疑似P圖太重手令身形比例變得極奇怪。

有網民留言問及Cammi係咪P咗大脾，Cammi就回覆自己無P，但又有網民提出證據，表示：「濾鏡，對面啲窗K（畸）晒型，其實唔P自然好多。」但同時都有唔少網民大讚Cammi身材完美。雖然今次Cammi堅稱自己無P圖，但佢過往就曾喺《東張西望》表示比較喜歡P咗圖嘅自己，身邊人認為佢P圖過火，但都會繼續P，又分享平日P圖心得，例如調色之餘，仲會推瘦身形、執大對眼，執一張相大約會用上15分鐘。而Cammi近年都過著奢華生活，高度炫富，令網民好奇佢嘅收入來源，佢就曾表示自己其實有工作，只係唔係朝九晚五。