世界盃︳3分鐘入2球南韓中鋒曹圭成一夜之間IG粉絲破百萬被封「球壇朴叙俊」

GIRLAV · 發表於 2022-11-29 16:04:51

11月28日晚嘅世界盃分組賽，南韓喺分組賽以2比3輸俾加納，目前2戰僅得1分，下場仲要對勁旅葡萄牙，要出線真係相當有難度。

在11月28日晚場波，南韓2球入球都係由身高1米88嘅中鋒曹圭成頭搥頂入。貌似韓星朴叙俊嘅曹圭成，成為南韓足球史上首個喺世界盃「梅開二度」嘅球員，仲榮登網民熱搜人物，甚至佢嘅INSTAGRAM followers數目，喺比賽中途仲係八十幾萬，到完場後已經過百萬！曹圭成本來係韓國職業足球聯賽球員，本來人氣比起打英超嘅孫興慜爭一截，但係上一場世界盃賽事對烏拉圭以後備入替後，唔少球迷見到曹圭成高大靚仔，都立即搜尋此人是誰，令佢IG追蹤人數激增10倍，由本來4萬變成40萬！

雖然曹圭成粉絲人數暴漲，但佢IG都係keep住得5個post，佢喺賽後對於成為新男神冇太大反應，仲話因為冇踢好啲而覺得遺憾。