卡塔爾世界盃 - 日本

Winston91 · 發表於 2022-11-8 22:33:29

本帖最後由 Winston91 於 2022-11-8 22:34 編輯

今次寫亞洲二哥日本
日本編在E組，同組有強隊德國和西班牙，仲有中北美洲嘅哥斯達黎加，要小組出線非常艱難。

小組賽程

以下為香港時間

11-23 21:00 德國 Vs 日本
11-24 00:00 西班牙 Vs 哥斯達黎加

11-27 18:00 日本Vs 哥斯達黎加
11-28 03:00 西班牙 Vs 德國

12-02 03:00 日本 Vs 西班牙
12-02 03:00 德國 Vs 哥斯達黎加

球員

監督森保一已經公佈26人球員名單，由於中山雄太受傷肯定參加不了，估計會補選另一位球員，唔知邊個會搭上尾班車?

與四年前相比，如今日本隊陣容幾乎全部翻新，包括香川真司、本田圭佑、乾貴士和隊長長谷部誠等已經退出國家隊，26人大軍只有六位上屆舊人包括門將川島永嗣、長友佑都、隊長吉田麻也、酒井宏樹、遠藤航、柴崎岳；新人主要集中中場和前場攻擊球員。

日本今次晉級決賽週過程十分驚險，森保一用過4-2-3-1、4-3-3、甚至4-1-2-3等唔同陣型，經過近排熱身賽表現和球員大名單，估計會排4-2-3-1，但碰到強隊就轉4-3-3, 中場多一個防中，先做好防守。

後場+守門:
門將是清水心跳嘅權田修一和施密特之間二選一。

中衛：兵工廠後衛富安健洋是球隊後場核心，他將和隊長吉田麻也組成中衛搭檔，希望佢快啲康復，其實富安後場4個位置都可以踢，對教練排陣非常有彈性。

左閘就36歳老將長友佑都，右閘就32歲酒井宏樹。由於四位後防有三位年過30，速度好難跟到高速前鋒，尤其係打4-2-3-1陣型，唔夠防中在前面幫手掃蕩，後防會更大壓力。

另一問題後備兵源中山雄太和板倉滉都有傷病，萬一正選受傷或停賽只能用川崎前鋒嘅山根視來和谷口彰悟。

中場:
中場兩個鐵膽是史特加嘅遠藤航和士砵亭嘅守田英正，最後一位中場，打4-2-3-1時，會用今年狀態火爆嘅法蘭克福進攻中場䥥田大地，改打4-3-3時，就用效力德乙杜塞爾多夫嘅田中碧，多一位防守球員。

前場:
正前鋒是些路迪嘅前田大然，由於今年名單中沒有正宗中鋒，估計前田唔會做支點護球多數冇球跑動，制造更多空間給兩邊側翼突破，組織串聯交由鎌田負責。右翼是伊東純也，左翼有久保健英、三笘薫或南野拓實。

預測成績:
第一場對德國，如果偷雞打和攞1分，第二場贏哥斯達黎加，咁樣拿住4分，最後一場對西班牙就冇咁大壓力，可能偷雞成功以E組次名出線，16強對手係F組首名，可能比利時，重遇上屆16強對手。
八強可能對葡萄牙，四強就可能對英格蘭。