利萊辛尼肌肉撕裂　出戰世盃亮紅燈

小哥阿四 · 發表於 2022-10-19 10:18:45

拜仁慕尼黑日前德甲5比0大勝弗賴堡，利萊辛尼喺比賽尾段受傷離場，經檢查後證實佢左腳大腿肌肉撕裂，據報最少要休養3個星期，距離卡塔爾世盃決賽周只有1個月時間下，利萊辛尼出戰機會亮起紅燈。

利萊辛尼喺對弗賴堡一仗踢76分鐘就傷出，拜仁慕尼黑發聲明指佢左腳大腿肌肉撕裂，但未有公布養傷時間，只係話「暫時唔能夠候命比賽」。不過德國《圖片報》就透露，利萊辛尼最少要抖3個星期，而且視乎傷勢程度，可能要休息更長時間。

呢位26歲翼鋒受傷，對拜仁慕尼黑同德國都係重大打擊，尤其佢今季狀態極佳，各項賽事加埋已有10個入球，係德國國家隊嘅鋒線核心人物，如果「只係」休息3個星期，相信德國領隊費歷克都會冒險選佢，但若果要休息更長時間，德國可能被逼忍痛割愛。