郭柏妍將勤補拙變踩滑板高手

GIRLAV · 發表於 2022-10-18 11:50:20

郭柏妍10月17日於社交網激罕上載泳衣照，為有份演出的無綫台慶劇《下流上車族》首播造勢！劇中飾演踩滑板高手的她表示，為配合角色專誠上堂學踩滑板：「以前已經心思思想學，學嗰排每日放咗工就走去練，希望將勤補拙。」又指與前輩林敏驄、江美儀等合作，私下相處似一家人：「有次我失咗聲，好擔心影響進度，佢哋不停安慰我，驄哥畀咗啲潤喉膏我食，美儀姐就推介咗啲中藥，食完之後真係好番。」

至於演柏妍妹妹的羅毓儀透露拍喊戲時，全靠美儀的「愛心雞翼」引爆淚水：「美儀姐煮嘢食好叻，有次開廠佢整咗滷水雞翼畀我哋食，為咗喊得出我食咗4隻，因為喊戲要用好多Energy，全部人食完之後即刻喊，一Take收貨！」