近5年首次　一個原因C朗將出席金球頒獎禮

小哥阿四 · 發表於 2022-10-15 10:36:46

今年金球獎將於香港時間10月18日凌晨舉行，預料皇馬前鋒賓施馬將會大熱當選，盛傳已經闊別呢項頒獎禮5年嘅曼聯球星C朗，亦將會出席，皆因佢同賓施馬非常好友，希望為佢撐場。

C朗曾經5次獲得金球獎，但自從2017年攞獎之後，就未再出席呢項盛事，有傳佢事先知道自己冇份當選，所以唔出席，曾經被批評小器。

呢位37歲葡萄牙國腳今年雖然有入選30人候選名單，但估計只係「陪跑」，不過外媒指C朗將會出席，因為佢希望親自見證前皇馬隊友兼老友賓施馬首次獲獎。

至於曾經7次獲得金球獎兼上年得主美斯今年連30人候選名單都冇份。