同坦哈格作對？C朗打爆手機案「認罪」

小哥阿四

曼聯上季英超作客愛華頓輸波後，C朗拿度打爆小球迷手機一事餘波未了，英格蘭足總上星期檢控C朗行為不檢/暴力行為。曼聯領隊坦哈格周三(12日)喺記者會入面，言之鑿鑿話C朗「唔會接受」今次指控，點知轉頭爆出C朗原來已經「認罪」，唔通佢同坦哈格作對？

據英國傳媒報道，C朗已經就足總今次檢控認罪，不過佢就會據理力爭，堅持唔應該受到停賽處分，《曼徹斯特晚報》消息指，坦哈格嘅「相反答案」係出於溝通問題，佢嘅「唔會接受」意思係指「唔會接受停賽」，強調曼聯會全力幫C朗求情。

打爆手機事件發生後，C朗亦曾公開道歉，並且邀請「受害」嘅14歲小球迷去奧脫福球場睇波，不過小球迷嘅媽媽仍然好嬲，早前公開炮轟C朗為人傲慢，所謂道歉亦冇誠意。

Winston91

回復 小哥阿四 ##1 的帖子

又唔係作對，C朗是當事人，快啲認錯，就快啲解決問題，不用拖拖拉拉。

LasCases

都係要認。