「魔人」夏蘭特自爆恐怖癖好：我鍾意食動物內臟

小哥阿四 · 發表於 2022-10-12 10:07:18

曼城前鋒艾寧夏蘭特今季各項賽事已經有20球進帳，佢喺最近一部個人紀錄片中透露，自己每日吸收6000卡路里熱量，主要食物係動物心臟同肝臟。

艾寧夏蘭特話：「好多人唔食動物內臟，但我關心自己嘅身體，要呵護佢，我認為可以食當地優質食物非常重要，有人話肉類唔好，但係乜嘢肉類呢？麥當勞嘅肉？定係食草嘅牛肉呢？而我只食心臟同肝臟。」

據悉動物心臟同肝臟含有豐富維生素B、鐵、磷、銅及鎂元素。另外，早前有報道指艾寧夏蘭特比賽前會食爸爸整嘅意大利千層麵，食完就入波，萬試萬靈。