【官宣】RB萊比錫簽挪威國腳門將

小哥阿四 · 發表於 2022-10-11 10:21:13

德甲球會RB萊比錫周日(9日)宣布，球隊簽入挪威國腳門將尼蘭特，雙方簽約至明年6月，佢會代替上星期重傷收咧嘅門將古拉施斯。

匈牙利門將古拉施斯上星期歐聯對些路士期間，膝部嚴重受傷提早收咧，德甲條例容許RB萊比錫喺轉會窗以外作出收購，球隊即同自由身嘅尼蘭特達成協議，呢位32歲門將曾效力阿士東維拉同諾域治，今夏約滿雷丁後未有落班。

雖然尼蘭特可以喺德甲上陣，不過歐洲足協唔容許球隊更改球員名單，意味RB萊比錫剩低嘅3場歐聯分組賽，都要用後備門將巴拉斯域治把關。