數十港人移民台灣被拒理由包括曾任職美心醫管局國泰等

GIRLAV · 發表於 2022-10-6 16:00:40

台灣近年收緊港澳居民嘅定居申請，有報導指，今年首10個月，台灣已拒絕至少42名港人嘅申請，理由係呢啲人曾任職美心、國泰及醫管局等，可能會危害公共安全。台灣喺上年6月宣布，收緊港澳居民喺當地居留嘅申請，而42名被拒絕嘅港人當中，有人曾喺美國及國泰從事餐飲工作，又曾喺醫管局任職文員，台灣當局話，國泰嘅主要股東係中國國際航空及香港政府，醫管局係公營機構，而美心股東曾公開支持香港警方，難以排除申請人任職公司與內地嘅關係，因為咁，以「危害國家利益」等理由，拒絕申請。曾有從事香港電訊、中大宿舍文書助理及衛生署護士長的人，被以類似理由拒絕申請，陸委會表示，會嚴謹處理定居台灣嘅申請，要求專業移民嘅港人補交資料，目的係申請者符合在台貢獻所長嘅要求，如有需要會提供協助。