美斯因為一件事　變成法國公敵

小哥阿四 · 發表於 2022-10-2 10:37:16

阿根廷球王美斯一向以乖乖仔示人，形象非常好，但近期卻成為法國傳媒狠批對象，指責呢位效力巴黎聖日耳門(PSG)嘅前鋒經常乘坐私人飛機，造成環境污染兼浪費能源，不知民間疾苦。

法國《隊報》點名批評美斯多次乘坐私人飛機，嚴重污染環境，根據統計，美斯擁有嘅私人飛機，由今年6月1日至8月31日，總共飛行52次，雖然部份航次係美斯嘅朋友乘坐，但傳媒都入佢數。

據悉美斯部私人飛機呢段時間嘅二氧化碳排放量，超過1位法國人150年總排放量，同埋私人飛機造成嘅污染，比一般客機多5至14倍，更加比火車多50倍，所以法國政府正在考慮限制私人飛機出行次數。

除此之外，歐洲面臨能源危機，法國政府呼籲人民節約能源，但美斯懶理，繼續隨意乘坐私人飛機，自然引起公憤。