【官宣】拜仁簽日本18歲中場新星

小哥阿四 · 發表於 2022-9-30 10:57:17

德甲班霸拜仁慕尼黑周三(28日)宣布，球隊由鳥棲砂岩簽入日本U20國腳福井太智，呢位18歲中場已簽約至2025年6月，佢會喺明年1月冬季轉會窗正式加盟，預料會先為拜仁嘅青年軍上陣。

拜仁青訓總監沙斯表示：「福井太智今個暑假已經跟我哋練咗幾個星期，大家都對佢印象深刻，佢非常有天份，係個技術出眾嘅攻擊中場，有速度兼有腳法，我哋相信佢嘅天賦可以得到進一步發展。」

福井太智細細個已經加入福岡嘅巴塞隆拿足球學校，12歲加入鳥棲砂岩，上季已經為球隊喺日職上陣，成為鳥棲砂岩史上最年輕上陣球員。