【官宣】屈福特炒艾華斯 比歷接帥印

小哥阿四

今季降班英冠嘅屈福特，周一(26日)宣布解僱威爾斯籍教頭艾華斯，並火速宣布聘請前克羅地亞同韋斯咸領隊比歷執教，目標係要拎到英冠前2名，下季直接重返英超賽場。

屈福特上季英超降班後，艾華斯喺5月上任接替鶴臣執教，但新球季只係10場就玩完，屈福特發聲明表示：「球會決定解僱艾華斯，好多謝佢上任以嚟嘅工作，我哋祝佢未來會有更好發展，屈福特會盡快公布新帥人選。」聲明所指嘅「盡快」，原來只係16分鐘，屈福特隨即公布克羅地亞領隊比歷將會上任，呢位54歲教頭今年1月離開北京國安後，一直未有落班。

屈福特目前10場聯賽有3勝5和2負排第10位，落後次名嘅諾域治6分，陣中亦有巴西前鋒祖奧柏度、塞內加爾翼鋒伊斯美拿沙亞等星級球員，論陣容絕對係英冠頂尖，升班自然係球隊嘅目標。

Winston91

回復 小哥阿四 ##1 的帖子

排第十都唔滿意，做領隊真難

LasCases

換人執執。