勁過夏蘭特 米祖域歐國聯「戴帽」

小哥阿四

現時排英超射手榜前2位球員艾寧夏蘭特、阿歷山大米祖域喺周日(25日)凌晨歐國聯B4組都有入波，「人氣王」夏蘭特有1球進帳，但挪威輸波。阿歷山大米祖域更加犀利，上演「帽子戲法」協助塞爾維亞以4比1大勝瑞典，追至同榜首挪威同分，雙方將於周三(28日)凌晨交鋒，決定升班資格誰屬。

效力富咸嘅阿歷山大米祖域今季英超已有6球進帳，但仍然比艾寧夏蘭特少5球，不過米祖域踢歐國聯搶鏡好多，踢咗48分鐘已完成帽子戲法，成為塞爾維亞贏波大功臣。

值得一提，自2018年以來，阿歷山大米祖域已經為塞爾維亞入咗38球，以同期國際賽入球計算，佢同C朗及哈利卡尼並列第一位。

塞爾維亞下仗最後一輪歐國聯作客挪威，既係兩隊爭奪升班資格生死戰，亦係阿歷山大米祖域同艾寧夏蘭特嘅射手大戰。

Winston91

回復 小哥阿四 ##1 的帖子

英超射手對決

LasCases

大勝一場。