陳思圻率Summer Girls鬥波 Michelle想拍小電影 Amber被「家暴」

GIRLAV · 發表於 2022-9-26 00:13:31

由「細龍太」陳思圻及張明偉領軍的香港開電視節目《Summer Girls 2022》，今晚對撼港姐總決賽，大會昨晨安排14位佳麗出海騷身材，波濤「胸」湧大派眼睛冰淇淋！

據悉，《Summer Girls 2022》早已完成所有錄製工作，並剪輯成兩小時節目，與港姐總決賽拗手瓜！14位佳麗昨晨「Big波蕩漾」出海造勢，當中陳思穎（Michelle）表現大方，不介意提起老公及7歲寶貝女，問到老公有否呷醋，她笑說：「泳衣啫！老婆有人睇，佢應該自豪！」

Annabelle水上「武鬥」

「有料之人」還有譚泳銚（Annabelle）及葉俙賢（Amber），當中Amber胸口有幾道爪痕，她解釋：「我個仔、即係我隻貓接咗第一份工作，我終於榮升星媽，抱佢出場時被抓到囉！」談到拍攝難忘事，Michelle笑說：「大熱天時呆等。（有人鬧交？）唔係我囉！現場都有啲情緒起伏嘅。」Amber自爆感動到喊，而Annabelle則說：「最難忘玩水上活動時，要出力撐對手落水。」

據知14位靚女「人人有獎」，已被香港開電視羅致旗下，日後有不少工作機會，簽約事宜則稍後公布。對此，3人都表示有興趣拍旅遊及寵物節目，Michelle自認貪心：「我可以拍吓小電影。（小電影？）微電影先啱，呢啲留番畀老公。」

至於陳思圻談到日前自爆拍攝《愛．回家之開心速遞》期間遭「大前輩」粗口問候，以致不少網民「緝凶」，連羅樂林亦擔心自己「講咗唔記得」，陳思圻笑說：「一定唔係爸爸（羅樂林），佢咁斯文。（呂慧儀叫你開名？）我冇諗過開名，拍嘢難免會煩躁同忟。」但承認事後有喊。