FIFA仲裁厄瓜多爾資格 卡斯迪路甩底

小哥阿四

關於厄瓜多爾參加年底世界盃資格嘅仲裁，國際足協(FIFA)周五(16日)凌晨已透過Zoom進行3個鐘頭嘅終極聆訊，不過主角拜朗卡斯迪路並冇接納FIFA傳召，由律師代表參加。FIFA按例要喺聆訊完結後20日內作出裁決，但考慮到世界盃決賽周迫在眉睫，預料幾日之內就會有結果。

智利足總指控厄瓜多爾球員卡斯迪路用「假身份」參賽，本身其實係哥倫比亞人，FIFA日前得到新證據後，緊急傳召卡斯迪路出席聆訊，不過佢效力嘅墨超球會利昂就以「冇收到通知」為由拒絕放人，卡斯迪路亦喺同日墨超聯賽上陣。

智利足總喺今次聆訊入面，提交咗卡斯迪路喺2018年承認自己偽造出生資料嘅錄音，但FIFA接唔接納仍係未知數。阿根廷TyC Sports報道，FIFA取消厄瓜多爾參賽資格機會唔大，不過智利足總同秘魯足總都有信心上訴可以成功，厄瓜多爾一旦被取消資格，秘魯同智利都認為自己應該代替參賽。

Winston91

回復 小哥阿四 ##1 的帖子

FIFA維持原判，智利要搵其他途徑再上訴

笑語不羈

當你無到

LasCases

打唔贏。