巴塞再清貨　送比真歷去中東搵食

小哥阿四 · 發表於 2022-9-7 10:20:39

巴塞隆拿今個夏天大展拳腳，另一方面亦積極「瘦身」，雖然歐洲主要聯賽嘅轉會窗已經關閉，不過巴塞隆拿仍然繼續減磅，據報波斯尼亞中場比真歷已接納阿聯酋球會FC沙迦斟介，今個星期就會飛去中東簽約。

為促成比真歷轉會，巴塞隆拿同意畀呢位32歲中場免費轉會，阿聯酋球會FC沙迦就向佢開出3年合約，比真歷最初都有猶豫，但佢留喺巴塞亦唔會有上陣機會，《每日體育報》指比真歷最終決定接納呢份薪酬「難以拒絕」嘅合約。

比真歷上季被外借去土耳其比錫達斯，雖然巴塞隆拿今次冇轉會費進帳，但就可以清走超過20萬歐元周薪嘅合約，對球會財政有極大幫助。