拜仁使橫手阻卡尼續約熱刺 明年搶人

小哥阿四

德甲勁旅拜仁慕尼黑今夏賣走羅拔利雲度夫斯基後，未有收購新前鋒代替，據報教練拿高斯文屬意哈利卡尼「接班」，並且暗中要求哈利卡尼暫停同熱刺續約，保證明年夏天會正式向熱刺提出收購。

德國《圖片報》首席記者Christian Falk，日前證實呢單傳聞：「傳聞係真嘅，拿高斯文想哈利卡尼唔好續約住(合約到2024年)，拜仁2023年就可以提出收購。」哈利卡尼明年就會進入合約最後1年，轉會價值將會大跌，拜仁就有機可乘。

熱刺今季喺干地執教下成績冒升，哈利卡尼亦重拾狀態，眾所周知哈利卡尼希望嘗到捧盃滋味，如果熱刺今季可以打破「獎盃荒」，呢位英格蘭隊長未必會要求轉會。拿高斯文早前曾公開表示，睇好哈利卡尼去到德甲會取得成功，被熱刺領隊干地批評缺乏尊重。

Gaffy

覺得佢會留喺熱刺到退役

Winston91

回復 小哥阿四 ##1 的帖子

英格蘭成名球員好少係德甲打出好成績，留低熱刺好過啦。