由朝到晚飲蔬果汁陳逸璇一周減5磅

GIRLAV · 發表於 2022-8-29 11:15:11

歌手陳逸璇擁有標準模特兒纖瘦體態，表示最愛採用蔬菜瘦身法，全日以蔬菜湯為主食糧：「依家係夏天，所以揀用嘅蔬菜有椰菜、洋葱、紅蘿蔔、番茄同西芹，會加啲薑調味，將全部蔬菜一次過煲熟佢，我就鍾意煲熟咗後，再用攪拌機打碎，味道會濃郁啲。」

但如果要極速收身，她表示試過用蔬果汁減肥，可一周減5磅：「早上飲菠菜、青瓜、芹菜、檸檬、薑及蘋果汁；中午會飲紅蘿蔔、橙、薑汁；下午茶就係番茄、西芹、紅蘿蔔、青瓜同芫荽汁；晚上就飲有機杏仁汁，將啲杏仁加水攪碎，可以加雲呢拿同少少海鹽。」

蛋白質攝取量偏低

註冊營養師（澳洲）劉嘉豪表示蔬果湯或汁飲食法，需注意蛋白質攝取量偏低問題，建議可添食瘦肉、兩隻雞蛋或三文魚，平衡蛋白質量吸收，免致肌肉流失，但因蔬果湯或汁斷食法所含的碳水化合物少，所以不建議大運動量者使用，否則或會出現低血壓或低血糖問題，同時患胃炎、腸易激綜合症都要小心，或可加煮熟鷹嘴豆落蔬果湯就不用添食肉類。