翻生無望？曼聯證實馬迪爾再受傷

小哥阿四 · 發表於 2022-8-28 10:49:13

曼聯領隊坦哈格證實法國前鋒安東尼馬迪爾再度受傷，暫時未知要休息幾耐，呢位26歲射手季前熱身狀態大勇，原本被睇好可以翻生，但開咧後不斷受傷影響上陣機會，隨時斷送曼聯生涯。

安東尼馬迪爾自2015年加盟曼聯後，表現一直令人失望，今季趁住C朗扭計轉會，季前熱身成功俘虜新帥坦哈格芳心，點知英超開鑼前又告受傷，直到上輪先至復出，後備入替亦交出助攻，正當球迷以為佢準備擔正，坦哈格賽前證實：「馬迪爾會缺陣，佢踢完上場之後足踝出現問題，我唔知個診斷係點，只能耐心等候，我希望佢下一場可以復出。」

除安東尼馬迪爾之外，曼聯依家只有C朗拿度一名正宗前鋒，不過上仗坦哈格就搵拉舒福特擔正，表現亦都唔錯，如果安東尼馬迪爾繼續受傷患困擾，喺曼聯擔正嘅機會將白白浪費。