巴塞賣大包 貼錢外借烏姆迪迪

小哥阿四

巴塞隆拿急需要清洗「冗員」，西班牙《每日體育報》指會方已經決定將中堅烏姆迪迪，外借去意甲新升班球隊萊切，並會負擔全部人工，只會根據呢位28歲法國守將上陣次數，收番些少補償金。

烏姆迪迪自2018年以來，大部份時間受膝傷問題困擾，上季更加僅上陣1次，巴塞一直希望出售佢，但卻冇買家接貨。

巴塞今次不惜繼續畀人工，都要將佢外借出去，雖然未能騰出薪酬空間，但如果烏姆迪迪可以喺意甲交出表現，或者有助巴塞將來出售佢。

據悉烏姆迪迪將會去意大利接受體測，如果通過，就會加盟萊切。萊切今季意甲2戰2敗，急需要增兵提升實力，希望烏姆迪迪可以幫到球隊啦。

Winston91

回復 小哥阿四 ##1 的帖子

快啲賣走冗員，外借都可行。

LasCases

要清貨。