羅美路受傷抖1個月 網民：惡有惡報！

小哥阿四

熱刺上輪英超逼和車路士，中堅基斯甸羅美路「扯頭髮」陰招雖然走得甩，不過消息指佢喺比賽中肌肉拉傷，將要休息3至4個星期，大批網民指呢位阿根廷「茅王」本應停賽3場，依家受傷缺陣係為自己惡行還債。

據《Football London》報道，開季2場踢足晒嘅基斯甸羅美路，喺對車路士一仗拉傷肌肉，預計養傷期係3至4個星期，球隊之後對狼隊、諾定咸森林、韋斯咸同富咸嘅聯賽好大機會缺陣，9月初展開嘅歐聯分組賽亦未能趕及披甲，佢嘅位置將會由達雲臣山齊士代替。

球證對基斯甸羅美路扯古古列拿頭髮視若無睹，英足總亦礙於條例唔可以秋後算帳，唔少網民都覺得基斯甸羅美路「逍遙法外」唔公道，有網民留言話：「傷患對球員係不幸，但基斯甸羅美路本來就應該停賽至少3場，今次真係好難同情佢！」

Winston91

回復 小哥阿四 ##1 的帖子

出陰招也是足球比賽的一部分，搏球證睇唔到

LasCases

都有今日