|
|
熱刺作客2比2逼和車路士，阿根廷中堅基斯甸羅美路成為話題人物，佢用陰招扯古古列拿頭髮一幕走甩紅牌後，當熱刺補時追平一刻，佢又被影到走去列斯占士面前「咆吼」，重演上季對曼聯隊長哈利馬古尼嘅挑釁，唔少網民都指呢位中堅勁冇品，不過熱刺領隊干地就撐愛將「夠激情」。
哈利卡尼喺補時6分鐘為熱刺頂入2比2，基斯甸羅美路第1時間走去列斯占士面前大聲咆吼慶祝，連隊友李察利臣都畀佢嚇一嚇，好在該車路士球星沉得住氣，未有畀任何反應，事實上呢一幕今年3月亦曾上演，當時曼聯中堅哈利馬古尼擺烏龍，幫熱刺追和2比2後，基斯甸羅美路即衝去坐喺地上嘅馬古尼面前大叫兼嘲笑，不過嗰場最後曼聯都贏3比2。
基斯甸羅美路本身踢法都比較陰濕，唔少球迷都覺得佢「球品」極差，不過干地反而大讚：「戰果有好有壞，但激情係好重要，你要好鍾意你嘅工作先可以展示出激情，當你有激情就會有好嘅成就。」
|
|
在線雷達
發表於 2022-8-16 10:10:20
廣播
置頂
超級提昇
強效提昇
推舊帖
收嗲鳥
油顏色
