杜曹憤怒了　阻止車仔雙星投巴塞

小哥阿四 · 發表於 2022-7-27 13:45:50

巴塞隆拿今夏與車路士在轉會市場多次交鋒，巴塞都「食滑」車仔，令車仔主帥杜曹憤怒不已，巴塞近日打算再挖車仔旗下西班牙雙星艾斯派古達及馬高斯阿朗素，杜曹決定阻止，拒絕放人。

今夏轉會市場，巴塞幾乎打橫行，同車路士多次爭奪戰都獲勝，包括簽入拉芬夏比洛尼、續約奧士文尼迪比利、挖走安達斯基斯坦臣，最近又搶簽車仔斟介中嘅西維爾後衞祖利斯古迪，兩間球會因此結怨。

巴塞搶咗咁多球員仲未收手，佢哋打算打包車仔雙星艾斯派古達同馬高斯阿朗素，杜曹決定全力阻止，結束集訓後，杜曹將會約見兩位球員，力勸兩人續約，最低限度都要阻止兩人轉投巴塞。

巴塞方面亦打算添食，準備全力撬人，兩間球會嘅轉會爭奪戰，將移師車仔隊內作戰場正面交鋒。