31歲首戰女子歐國盃 樸普用入波填補遺憾

joemalee

德國女足喺今屆女子歐國盃表現神勇，最突出球員非隊長兼王牌射手阿歷姍大樸普莫屬，佢今屆4場比賽都有入波，係史上首個喺同一屆賽事連續4場入波球員。31歲嘅阿歷姍大樸普為德國上陣超過100場，但今次竟然係佢首次出戰女子歐國盃決賽周！

近7屆女子歐國盃，有6屆都係由德國女足贏得，作為球隊王牌球星嘅阿歷姍大樸普，唔單止冇份捧盃，今屆前甚至連決賽周都未踢過。2013年決賽周前，樸普膝部韌帶撕裂而缺席，錯失同德國女足捧盃嘅機會；2017年決賽周前佢再次半月板撕裂，德國女足就喺8強出局。

對於連續2屆決賽周前重傷，阿歷姍大樸普話唔會糾纏喺過去：「諗以前係冇作用，我哋要接受現實，將遺憾變為戰鬥嘅動力，可以出戰今屆歐國盃決賽周令我非常光榮。」阿歷姍大樸普表示德國女足依家實力，比起佢2016年贏奧運女足金牌更勁，有信心可以奪冠而回。

Winston91

回復 joemalee ##1 的帖子

樸普冇改錯名，佢經常在對手半場頻頻撲撲、走來走去，搏你出錯，上一場就係靠佢截了龍門球入波。如果法國隊後衞釘唔實佢，就多數輸波。

LasCases

今次有機會。

mingliedy

NOW    冇遺憾了