摩連奴又出手　爭奪自由身射手

小哥阿四 · 發表於 2022-7-21 10:12:38

羅馬主帥摩連奴近期積極喺轉會市場，爭奪自由身球員，繼斟掂保羅戴巴拿之後，又準備簽入另1位意甲射手比洛迪，呢位28歲意大利國腳今夏約滿，並拒絕同拖連奴續約，睇嚟好可能跟「寸王」搵食。

羅馬上季主要靠譚美阿巴謙入波，加上另一位進攻主力米希達利恩已離隊，甚至連鋒線新星尼高路辛尼奧路都可能轉投祖雲達斯，所以摩連奴不敢怠慢，希望再簽入射手。

比洛迪效力拖連奴7季，上陣251場入113球，曾經獲得多間大球會垂青，但會方一直拒絕放人，令佢未能登入豪門，等到今夏約滿，終於可以自由身走人。

不過，比洛迪上季受傷患困擾，踢22場聯賽僅入8球及1次助攻，羅馬要簽佢，存在一定風險。除咗羅馬之外，AC米蘭、阿特蘭大、摩納哥都有意邀請比洛迪加盟。