安察洛堤宣布組軍完成 夏薩特踢9號

小哥阿四

歐聯盟主皇家馬德里周四(14日)開操，教練安察洛堤表示球會簽入魯迪格同曹亞文尼後，組軍已經完成，今個暑假都唔會再買球員，而比利時球星夏薩特將會被改造為「9號」。

皇馬今夏收購基利安麥巴比失敗，不過安察洛堤冇打算斟介其他前鋒，佢表示會嘗試將夏薩特改造為「9號」：「賓施馬當然係前鋒首選，但佢已經34歲，而且今個球季有個世界盃決賽周喺中間，以夏薩特嘅質素，佢可以嘗試出任9號位置。」

皇馬今夏已簽入中堅魯迪格同中場曹亞文尼，安察洛堤證實轉會行動已經完成：「佢哋2個都係好高質嘅球員，會為球隊帶來好好嘅競爭，我可以話係知今個夏天唔會再有人加盟，我對陣容好滿意。」

Winston91

回復 小哥阿四 ##1 的帖子

夏薩特試算唔傷，已經冇乜以前個人特破能力，最多得傳波，要睇肥安點改造佢打法。

mingliedy

肥安 ...........   好嘢   

Gaffy

希望佢返生,低迷左幾年