阿仙奴又出手買葡超兵　今次睇中左閘

小哥阿四 · 發表於 2022-7-14 10:41:35

阿仙奴繼簽入波圖中場法比奧韋拉之後，準備再出手收購葡超球員，兵工廠今次睇中賓菲加左後衞阿歷斯基莫度，由於呢位26歲西班牙球員只剩下1年合約，阿仙奴有望以750萬歐元買到佢。

阿仙奴左閘基蘭泰尼亞上季養傷期間，代替佢上陣嘅紐奴泰華利斯表現備受批評，領隊阿迪達認為有必要增強左路防守人腳。至於收購目標阿歷斯基莫度上季葡超上陣29場，射入5球及5次助攻，表現攻守兼備，有能力喺英超立足。

阿歷斯基莫度只剩下1年合約，並且拒絕續約，賓菲加為免明夏人財兩失，好大機會提早今夏出售佢，預料750萬歐元有交易，呢個價錢對於兵工廠而言，只係小數目，有望將阿歷斯基莫度收歸旗下。