巴利亮相洛杉磯　否認世盃後退休

小哥阿四 · 發表於 2022-7-13 11:25:01

威爾斯國腳加里夫巴利今夏約滿皇家馬德里後，以自由身加盟美職FC洛杉磯，周二(12日)喺美國出席加盟發布會，呢位32歲球星否認世界盃後退休傳聞，揚言希望喺FC洛杉磯長時間效力，目標係踢埋2026年世界盃！

加里夫巴利今次同FC洛杉磯簽約12個月，有球迷估計佢只係為年底世界盃決賽周做準備，可能約滿後就掛靴，不過加里夫巴利喺發布會表示：「美職呢10年發展好快，依家已經冇人視佢哋為『養老聯賽』，我加盟FC洛杉磯唔休諗住踢半年或1年，而係愈耐愈好，我想喺美職創造歷史，呢個唔係一朝一夕做到。」

一直以威爾斯國家隊為優先考慮嘅加里夫巴利，透露佢嘅目標係2026年世界盃：「喺美職比賽令我有更大機會繼續踢國家隊，包括下屆歐國盃(2024年)，甚至可以再踢多屆(2026世界盃)。」