航空趣聞｜全新經濟艙座椅分「上下層」伸直空間增加但仍遭大眾炮轟？

GIRLAV · 發表於 2022-7-8 11:24:36

坐長途機相信好多人都對經濟艙講怕怕，但奈何一架機中大部分座位都係經濟艙，畢竟唔係人人都負擔得起更高級別座位。日前西班牙一位「飛機座位工程師」Alejandro Nunez Vicente推出一套全新理念座位，於飛機艙分上下兩層，形成高低差，由於最頂層行李架被移走，上層幾乎只距離頂部只有1.5尺，不過換嚟係可以完全向後躺平都唔會頂到後面，但就卻無法企直起身。

至於下層座位則由於前方座位升起，所以可以直接向前伸直雙腳。但設計就遭受唔少評擊，唔少人覺得雖然伸展空間增加，但卻有強烈增加壓迫感，下層乘客臉部幾乎直接貼於前方座位椅背，上層乘客則無法企起身。目前該座位設計已經開始小規模用於短途機上作為測試，Alejandro表示會繼續努力改善設計，希望為經濟艙帶來全新改革呢！